Starfsemi
Hlutverk og framtíðarsýn
Stefna
HMS er að stuðla að samfélagslegum árangri með því að tryggja aðgengi að öruggu húsnæði fyrir alla, fylgjast með
og meta framtíðarþörf og áætla framboð húsnæðis út frá
upplýsingum um hvað er í byggingu á hverjum tíma.
Hlutverk
Að vernda líf og heilsu manna, eignir og umhverfi með því að tryggja faglegan undirbúning mannvirkjagerðar og virkt eftirlit með gæðum, öryggi og heilnæmi…
Framtíðarsýn
Að vera leiðandi í opinberri þjónustu við almenning, nýsköpun og stafrænum lausnum.
Að auka samstarf og samræmingu á sviði húsnæðis- og mannvirkjamála og hafa stuðlað að lækkun vistspors byggingariðnaðarins.
Húsnæðisstuðningur
Húsnæðisstuðningur
Húsnæðisstuðningur er fjárhagslegur stuðningur hins opinbera við heimili til öflunar húsnæðis og er hann tengdur stöðu á húsnæðismarkaði. Húsnæðisstuðningur er veigamikill þáttur í aðkomu stjórnvalda að húsnæðismálum og hefur mikil áhrif á uppbyggingu húsnæðismarkaðar, byrði húsnæðiskostnaðar og tækifæri fólks til að velja á milli mismunandi búsetuforma.
Húsnæðisstuðningur
Lán til einstaklinga
HMS veitir lán til einstaklinga til kaupa á hagkvæmum íbúðum. Við veitingu einstaklingslána er lögð áhersla á að aðstoða tekjulægri einstaklinga og fjölskyldur sem þarfnast fjármögnunar til að eignast eigið heimili á viðráðanlegum kjörum.
Húsnæðisstuðningur
Lán til lögaðila
HMS veitir lögaðilum og félögum sem eru ekki rekin í hagnaðarskyni, sveitarfélögum, stofnframlagshöfum og félagasamtökum lán til kaupa eða bygginga á hagkvæmum íbúðum.
Húsnæðisstuðningur
Húsnæðisbætur
Húsnæðisbætur eru mánaðarlegar greiðslur sem eru ætlaðar til að aðstoða þá sem leigja íbúðarhúsnæði, hvort sem er í félagslega kerfinu, námsgörðum eða á hinum almenna leigumarkaði. HMS hefur umsjón með afgreiðslu húsnæðisbóta og tekur ákvarðanir um réttindi til þeirra.
Húsnæðisstuðningur
Stofnframlög
Stofnframlög eru stuðningur í formi eiginfjár fyrir fyrirtæki og lögaðila til byggingar eða kaupa á leiguhúsnæði. Stofnframlög eru annars vegar veitt fyrir hönd ríkis í gegnum HMS og hins vegar frá viðkomandi sveitarfélagi þar sem íbúðirnar koma til með að vera staðsettar í.
Húsnæðisstuðningur
Hlutdeildarlán
Hlutdeildarlán er nýtt úrræði fyrir tekju- og eignaminni einstaklinga. Úrræðinu er ætlað að hjálpa einstaklingum undir ákveðnum tekjumörkum að brúa bilið við að byggja upp eigið fé og komast í eigið húsnæði.
Mannvirki
Öryggi mannvirkja og eftirlit
HMS vill stuðla að öflugra samstarfi byggingariðnaðarins, sveitarfélaga og stjórnvalda svo framtíðarsýn um betri byggingarmarkað megi verða að veruleika. Á þeirri vegferð horfum við meðal annars til bættrar gagnaöflunar, skilvirkara starfsumhverfis hagaðila, öflugra eftirlits og vistvænni mannvirkjagerðar.
Brunavarnir
Brunagátt
HMS vinnur að gerð miðlægrar gáttar fyrir rafræn skil slökkviliða á upplýsingum til HMS en gáttin ber nafnið Brunagátt. Fyrstu tveimur áföngum Brunagáttarinnar var lokið á árinu með smíði mælaborðs og kerfisþáttar til skráningar og utanumhalds um slökkvibifreiðar. Með því eru stigin fyrstu skrefin að stafrænu eftirliti og gagnaskilum á sviði brunvarna í samræmi við stefnu HMS.
Með því að tileinka okkur þennan hugsunarhátt verðum við leiðandi í opinberri þjónustu
Gildi HMS
Skrefi á undan
Mikilvægasta hlutverk okkar er þjónusta við almenning, sem við veitum af áhuga og krafti. Öflugt starfsfólk með metnað til að veita virðisaukandi þjónustu mótar árangursríka vinnustaðamenningu.
Einföldum lífið
Við fögnum tækifærinu til að leita lausna, leiðbeina og miðla. Við erum stolt af sérfræðiþekkingu okkar og leggjum áherslu á að skapa virði fyrir samfélagið.
Sýnum hugrekki
Við erum óhrædd við að mynda okkur skoðun, framkvæma og standa með ákvörðunum okkar. Með því að taka ábyrgð á verkefnum og vinna þau af metnaði tryggjum við árangur.
Hugsum lengra
Við erum í fararbroddi í framþróun þeirra málefnasviða sem við berum ábyrgð á. Við lítum þau gagnrýnum augum, hugsum í lausnum og innleiðum nýjungar í þágu almennings.
Þjónustuloforð HMS
Stjórnkerfi HMS
Hjá HMS er ekki hefðbundið skipurit heldur byggir stjórnkerfi HMS á teymisskipulagi þar sem hvert teymi hefur skýrt hlutverk í þjónustu við almenning. Áhersla HMS á að vera leiðandi í opinberri þjónustu endurspeglast í stjórnkerfinu þar sem þjónusta er miðpunkturinn og öll teymi skilgreina viðskiptavini sína, verkið sem þarf að vinna og æskilegan árangur.
Stjórnkerfi HMS byggir á teymisskipulagi þar sem hvert teymi hefur skýrt hlutverk í þjónustu við almenning. Áhersla HMS á að vera leiðandi í opinberri þjónustu endurspeglast í stjórnkerfinu þar sem þjónusta er miðpunkturinn og öll teymi skilgreina viðskiptavini sína, verkið sem þarf að vinna og æskilegan árangur.
Mannauður
Starfsemi HMS
HMS fer með eftirlits- og samræmingarhlutverk á sviði húsnæðis- og mannvirkjamála í samstarfi við sveitarfélög og starfar eftir 14 lagabálkum og 40 reglugerðum á 16 málefnasviðum.
Megin málaflokkar á ábyrgð HMS eru:
- Eftirlit með mannvirkjagerð og mannvirkjaskrá
- Húsnæðisáætlanir og íbúðaþarfagreining
- Brunavarnaáætlanir og slökkvilið
- Fjármögnun hagkvæms húsnæðis og stefnumótun
- Eftirlit með rafmagnsöryggi og markaðseftirlit
- Húsnæðisbætur og leigumarkaður
- Rannsóknir og fræðsla
HMS
Samfélagsleg ábyrgð
Vistvænar áherslur HMS endurspeglast einkum í umhverfis- og loftslagsstefnu stofnunarinnar,
framtíðarsýn hennar og þeim Heimsmarkmiðum sem tengd hafa verið við starfsemi hennar.
@ 2022 - Húsnæðis- og mannvirkjastofnun